“उच्च प्राथमिक खाजगी शाळांना २० पटाखालील एक शिक्षक मंजूर”

महाराष्ट्र न्युज लाईव्ह 

दिलीप चव्हाण, पुणे 

शिक्षण विभागाच्या १० मार्च रोजीच्या शासनादेशानुसार राज्यातील स्थानिक स्वराज्य संस्थांच्या शाळांना २० पेक्षा कमी पटसंख्या असणाऱ्या उच्च प्राथमिक शाळांना किमान एक शिक्षक मंजूर करण्याबाबतचे आदेश देण्यात आले होते. परंतु, हे आदेश खाजगी प्राथमिक शाळांना मात्र लागू नव्हते.

राज्यातील २० पेक्षा कमी पट संख्या असलेला उच्च प्राथमिक (इ.६ ते ८ वी चे वर्ग असलेल्या) खाजगी शाळांना यावर्षीच्या संच मान्यतेपासून किमान एक शिक्षक मंजूर करण्याचे आदेश कक्ष अधिकारी विशाल लोहार यांनी दिले आहेत.

ही माहिती महाराष्ट्र राज्य मान्य खाजगी प्राथमिक शिक्षक व शिक्षकेतर महासंघाचे जिल्हा प्रवक्ता सुरेंद्र टिके, शहर प्रवक्ता अरविंद चव्हाण यांनी दिली आहे. शिक्षण विभागाच्या १० मार्च रोजीचा शासनादेश हे आदेश खाजगी प्राथमिक शाळांना मात्र लागू नव्हते.

सदरचे आदेश खाजगी प्राथमिक शाळानाही लागू व्हावा यासाठी राज्याचे शिक्षण संचालक शरद गोसावी यांचे सोबत पुणे विभागाचे शिक्षक आमदार जयंत आसगावकर सर्व शिक्षक संघटनांच्या वतीने तसेच खाजगी प्राथमिक शाळेचे शिक्षक व शिक्षकेतर महासंघाचे राज्य सचिव राजेंद्र कोरे सर्वानी संचालक पुणे यांना एक निवेदन देऊन त्यांच्या सोबत चर्चा केली.

या निवेदनाची दखल घेत प्राथमिक शिक्षण विभागामार्फत राज्य शासनाकडे १० मार्चचा शासन आदेश खाजगी शाळा लागू करण्याबाबतचा प्रस्ताव पाठविण्यात आला होता. या प्रस्तावानुसार महाराष्ट्र शासनाचे कक्ष अधिकारी विशाल लोहार यांनी १० मार्च रोजी शासनादेशानुसार खाजगी व्यवस्थापनाच्या प्राथमिक व उच्च प्राथमिक शाळांना पदे अनुदेय करून सन २०२४ – २०२५ च्या संचमान्यता कराव्यात असे आदेश निर्गमित केले आहेत.

या निर्णयाचा फायदा राज्यातील सर्व खाजगी व्यवस्थापनाच्या प्राथमिक व उच्च प्राथमिक शाळा होणार आहे. त्यामुळे यावर्षीच्या संचमान्यतेत अतिरिक्त ठरणारे शिक्षकांची संख्या कमी होण्यास मदत होणार आहे. तसेच योग्य शिक्षकसंख्या असल्याने शैक्षणिक गुणवत्तेत सुधारणा होते असे राजेंद्र कोरे, राज्य सचिव महाराष्ट्र राज्य मान्य खाजगी प्राथमिक शिक्षक व शिक्षकेतर महासंघ यांनी कळविले आहे.

व्हाट्सप्प आइकान को दबा कर इस खबर को शेयर जरूर करें