“10 लाखांची लाच घेताना पालिका आयुक्ताला रंगेहाथ पकडलं”

महाराष्ट्र न्युज लाईव्ह

दिलीपकुमार चव्हाण, जालना

जालना महानगरपालिकेचे आयुक्त तथा प्रशासक संतोष खांडेकर हे लाचेच्या जाळ्यात अडकले आहेत. तक्रारदाराकडून कामाचे बिल पास करण्यासाठी मागितली तब्बल 10 लाख रुपयांची लाच देण्याची मागणी खांडेकर यांनी केली होती.

शासकीय निवासस्थानी 10 लाखांची लाच स्वीकारताना रंगेहाथ त्यांना पकडले आहे. जालना लाचलुचपत प्रतिबंधक विभागानं ही कारवाई केली आहे. संतोष खांडेकर यांच्या घराची देखील झाडाझडती घेण्यात आली आहे.

जालना महानगरपालिकेचे आयुक्त संतोष खांडेकर यांच्या अटकेनंतर जालन्यात कंत्राटदारांनी जालना एसीबी कार्यालयाबाहेर फटाके फोडून आपला रोष व्यक्त केला. जालना महानगरपालिका आयुक्त संतोष खांडेकर यांनी बांधकामाचे बिल देण्यासाठी तक्रारदाराकडून दहा लाखाची लाच मागितली होती, यावेळी जालना लाच लुचपत प्रतिबंधक विभागाने खांडेकर यांच्या शासकीय निवासस्थानी सापळा रचून ही लाच स्वीकारताना त्यांना रंगेहात अटक केलं.

यानंतर काही कंत्राटदारांनी एसीबी कार्यालयासमोर फटाके फोडून आपला रोष व्यक्त केला, तसेच एसीबी अधिकाऱ्यांचे आभार मानले.

व्हाट्सप्प आइकान को दबा कर इस खबर को शेयर जरूर करें