” जे.जे.रुग्णालयात सापडला भुयारी मार्ग “

महाराष्ट्र न्युज लाईव्ह

मुंबई

जे जे रुग्णालयाच्या आवारात डी.एम.पेटीट इमारतीच्या आवारात गुरुवारी अचानक भुयारी मार्ग सापडला. रुग्णालयाची तपासणी करताना डॉ.अरुण राठोड यांच्या निदर्शनास हा भुयारी मार्ग आल्याचे दिसून येते,त्यानंतर त्यांनी ह्या भुयारी मार्गाची पूर्ण तपासणी सुरक्षारक्षकांच्या सहाय्याने केली, भुयारी मार्ग हा २०० मीटरचा आहे.

इमारतीच्या आवारात भुयारी मार्ग असल्याची आम्हाला कल्पना होती. पण ते नक्की कुठे आहे ते माहीत नवहते. इमारत १८९२ साली बांधलेली आहे. आता या भुयाराचे एक तोंड सापडले असून दुसरा मार्ग कुठे उघडतो त्याचा शोध घ्यावा लागणार आहे. याबाबत आम्ही जिल्हाधिकारी कार्यालयालाही कळवले आहे, अशी माहिती जे जे रुग्णालताच्या अधिष्ठाता डॉ. पल्लवी सापळे यांनी दिली.

जे.जे.रुग्णालयातील बांधकाम हे प्रामुख्याने ब्रीटिशकालीन आहे तसेच तेथील इमारती या १७७ वर्षांपूर्वी बांधण्यात आल्या आहेत,या भुयारी मार्गाची माहिती मुंबई जिल्हाधिकाऱ्यांकडे देण्यात आली असून पुरातत्व विभागाकडूनही या भुयारी मार्गाची पहाणी होणार आहे. वॉर्ड च्या रुग्णांना आपात्कालीन वेळेस बाहेर पडण्यासाठी हा भुयारी मार्ग असल्याचे सांगितले जात आहे.

व्हाट्सप्प आइकान को दबा कर इस खबर को शेयर जरूर करें