” नागपूरमध्येच भाजपला धक्का – 13 पैकी 9 पंचायत समित्या काँग्रेसकडे “

महाराष्ट्र न्युज लाईव्ह

नागपूर

नागपूर जिल्ह्यातील पंचायत समिती सभापती आणि उपसभापती निवडणुकीचे निकाल जाहीर झाले आहेत. यामध्ये बालेकिल्ला समजल्या जाणाऱ्या नागपूर जिल्ह्यातच भाजपच्या हाती काहीच लागले नाही. 13 पैकी एकाही पंचायत समितीमध्ये भाजपचा सभापती होऊ शकलेला नाही. उपमुख्यमंत्री आणि नागपूरचे पालकमंत्री देवेंद्र फडणवीस आणि भाजपचे प्रदेशाध्यक्ष चंद्रशेखर बावनकुळे यांना हा मोठा धक्का मानला जात आहे.

नागपूर जिल्ह्यातील 13 तालुक्यांमध्ये भाजपचा कुठल्याही पंचायत समितीत सभापती होऊ शकला नाही, तर अवघ्या दोन पंचायत समितीत उपसभापती झाले आहेत. मात्र, शिंदे गटाचा एक उपसभापती झाला आहे.13 पंचायत समिती पैकी 9 पंचायत समितीमध्ये काँग्रेसचे सभापती निवडून आले आहेत. हा भाजपसाठी मोठा धक्का आहे.

नागपूर ग्रामीण, कामठी, सावनेर, कळमेश्वर, पारशिवनी, उमरेड, मौदा, कुही, भिवापुर या ठिकाणी कॉग्रेसचे सभापती झाले आहेत. तर नरखेड, काटोल, हिंगणामध्ये राष्ट्रवादी कॉग्रेसचे सभापती झाले आहेत. तर शिंदे गटाचाही रामटेक पंचायत समितीवर एक सभापती झालेला आहे. फक्त रामटेक आणि मौदा तालुक्यात भाजपचे उपसभापती झालेले आहेत.

व्हाट्सप्प आइकान को दबा कर इस खबर को शेयर जरूर करें