” ऋतुजा लटके यांनी मातोश्रीवर जाऊन उद्धव ठाकरे यांची भेट घेतली “

महाराष्ट्र न्युज लाईव्ह

मुंबई

अंधेरी पूर्व विधानसभा मतदारसंघातील पोटनिवडणुकीसाठी उद्धव ठाकरे यांच्या शिवसेनेच्या गटाची उमेदवारी मिळालेल्या ऋतुजा लटके यांचा राजीनामा तातडीने स्वीकारावा असे आदेश मुंबई उच्च न्यायालयाने दिले आहेत. उद्या सकाळी ११ पर्यंत याबाबतचे पत्र लटके यांना देण्यात यावं असं न्यायालयाने म्हटलं आहे. सुनावणीदरम्यान, उच्च न्यायालयाने पालिकेला खडसावलं असून तुमच्याकडे विशेषाधिकार असताना अशी प्रकरणं आमच्याकडे येता कामा नयेत असं सांगितलं आहे. न्यायालयाने हा निकाल दिल्यानंतर ऋतुजा लटके यांनी मातोश्रीवर जाऊन उद्धव ठाकरे यांची भेट घेतली. यानंतर त्यांनी प्रसारमाध्यमांनी प्रतिक्रिया दिली.

ऋतुजा लटके म्हणाल्या, “आताच आम्ही उद्धव ठाकरे यांना भेटून आलो आहोत. त्यांचे आशीर्वाद घेण्यासाठी आम्ही इथे आलो होतो. त्यांनी सांगितल की तुम्ही जोषाने आणि मनात कसलीही शंका न ठेवता निवडणुकीला सामोरे जा, आम्ही सर्वजण तुमच्यासोबत आहोत.”

व्हाट्सप्प आइकान को दबा कर इस खबर को शेयर जरूर करें