” राजू श्रीवास्तव यांच्या शोकसभेत जॉनी लीव्हर झाले भावुक “

महाराष्ट्र न्युज लाईव्ह

मुंबई

भारतातील सर्वात लोकप्रिय कॉमेडियन राजू श्रीवास्तव यांच्या निधानाने मनोरंजन सृष्टीत शोककळा पसरली आहे. रविवारी २५ सप्टेंबर रोजी मुंबईत त्यांच्या स्मरणार्थ एका शोकसभेचे आयोजन करण्यात आले होते. जॉनी लीव्हर, सुनील पाल, कपिल शर्मा, भारती सिंग, किकू शारदा यांसारखे अनेक आघाडीचे कॉमेडियन या शोकसभेत सहभागी झाले होते.

मीडियाशी संवाद साधताना जॉनी लीव्हर यांनी राजू श्रीवास्तव यांच्याबरोबर असलेल्या त्यांच्या बॉन्डिंगबद्दल काही गोष्टी शेअर केल्या. ते म्हणाले, ‘माझ्याबरोबरच राजूचेही स्ट्रगल सुरु झाले. आमचे कौटुंबिक संबंध होते आणि आम्ही शेजारीही आहोत. आपण सर्वांनी एक उत्कृष्ट कलाकार गमावला आहे. राजूने अनेक वर्षे अनेकांना हसवले पण अचानक आम्हाला सोडून गेला. स्टँडअप कॉमेडीसाठी हे खूप मोठे नुकसान आहे.” या शोकसभेत भारती सिंगलाही अश्रू अनावर झाले. यावेळी कपिल शर्माने भारतीला कारमध्ये सोडले.

व्हाट्सप्प आइकान को दबा कर इस खबर को शेयर जरूर करें